اسكندر احلى من المطاعم التركية من مطبخي وبالصور

السلام عليكم بنوتات انشاء لله كلكم بخير وصحه وسعاده يارب

وحشتوني مره واكيد وحشتكم طبخاتي

اليوم سويت اسكندر زوجي يموت فيه فقلت يللا خليني اجرب واشوف كيف وطلع يبنات مشالله تبارك الله لاقوة الابالله

الذ من احسن مطعم تركي وانظف كمان يللا راح احط مقادير اول شي الفطير او خبز الصاج زي ماالبعض يسميه

بس قبلها نتبل الدجاج وبسم الله نبداء :

اول شي هاذي مقادير 4 اشخاص جبت 4 صدور دجاج وقطعته صغير وتبلتو وحطيتو في الثلاجه والتتبيله هي:

3فصوص ثوم مدقوق - وملعقتين خل ابيض - و4 ملاعق ليمون - ورشة ملح ورشة فلفل ابيض او اسود براحتك

حطيتهم على بعض وفي الثلاجه لمدة ساعه او اكثر براحتك كمان على فكره هاذي التتبيله هي حقت الشاورما




وخلصنا من التتبيله نروح للعجينة وهي طريقة مدام شيرين بس انا دبلت المقادير وهي:

6 اكواب دقيق - ملعقتين اكل حليب بودرة - 3ملاعق خميرة فورية - ملعقتين سكر - 4ملاعق اكل زيت

ملعقة صغيرة ملح - تعجن بالمووية 3 اكواب وبالتدريج لانو ممكن تاخذ اقل

وتعجني العجينه وتكوريها تقريبا 10 كور تطلع معاكي بحجم اليوسفي وتخليها تخمر من رنص ساعه لساعتين



وفي هاذي الاثناء نحضر الصلصة الحمرا عبارة عن 3 حبات طماطم مفرومه

حبة ماجي

ملعقتين صلصة وبسسسسسسسس

نحطها على النار ونخليها الين تغلي ويذوب الماجي



نقلي بطاطس اصابع ونخليه على جنب



ومع السلامة